BLOOD SEEKERS

Blood Request

New User? Register Here / Temporary User! Donors: 13940 | Organizations: 164

پاکستان: تھیلیسیمیا کے علاج میں کامیابی


 
پاکستانی طبی ماہرین نے دس سالہ تحقیق کے بعد انتقالِ خون کے بغیر تھیلیسیمیا کے علاج میں خاطر خواہ کامیابی حاصل کرلی ہے۔

پاکستان میں نیشنل انسٹی ٹیوٹ آف بلڈ ڈیزیزز میں ایک سو باون مریضوں پر تحقیق کی گئی جن میں سے اکتالیس فیصد مریضوں کو خون چڑھانے سے نجات مل گئی۔
اسی بارے میں

اس بات کا انکشاف ڈاکٹر ثاقب انصاری اور ڈاکٹر طاہر سلطان شمسی نے اتوار کو کراچی پریس کلب میں نیوز کانفرنس کے دوران کیا۔

دس سالہ تحقیق کے مطابق پہلے سے موجود دوا (Hydroxuyrea) کے استعمال سے تھیلیسیمیا کے مرض میں مبتلا بچوں میں خون چڑھانے پر انحصار کم ہو جاتا ہے۔

یہ دوا ایک بیماری (Sickle Cell Diseases) کے لیے امریکی ادارے ایف ڈی اے سے منظور شدہ ہے۔

یہ تحقیق امریکی مؤقر جریدے ’جرنل آف پیڈیاٹرک ہیماٹولوجی” میں شایع ہو چکی ہے۔

تھیلیسیمیا کی بیماری میں خون میں موجود ہیموگلوبن بننا بند ہوجاتا ہے تاہم اس دوا کے استعمال سے دیکھا گیا ہے کہ ہیموگلوبن بنانے والے اجزاء متحرک ہوجاتے ہیں اور مریض کو خون چڑھانے کی ضرورت نہیں رہتی۔

اس تحقیق کا آغاز ڈاکٹر ثاقب حسین انصاری نے اپریل سنہ دو ہزار تین میں تیئس مریضوں سے کیا تھا اور اسی عنوان پر انہوں نے اپنا پی ایچ ڈی بھی مکمل کیا۔

انہوں نے بتایا کہ پاکستان میں این آئی بی ڈی میں تھیلیسیمیا کے ایک سو باون مریضوں میں سے اکتالیس فیصد کو خون چڑھانے کی ضرورت نہیں رہی، انتالیس فیصد مریضوں میں انتقالِ خون کی ضرورت نصف رہ گئی جبکہ بیس فیصد مریضوں میں اس دوا نے اثر نہیں کیا۔

ان کے بقول اس دوا کے استعمال کے بعد مریضوں میں خون نہ چڑھانے سے ان کی تلّی یا جگر کے حجم میں اضافہ بھی نہیں دیکھا گیا جبکہ چہرے کی بناوٹ میں بہتری، کھیل کود میں بچوں کی دلچسپی، بھوک اور وزن میں اضافہ دیکھا گیا۔

ان کے بقول پاکستان میں ہر سال پانچ سے آٹھ ہزار تک تھیلیسیمیا کے مریض پیدا ہوتے ہیں اور اٹھانوے لاکھ کے لگ بھگ ایسے افراد موجود ہیں جو اس بیماری کو آگے بڑھانے کا سبب بن سکتے ہیں۔

ڈاکٹر طاہر شمسی کے مطابق تھیلیسیمیا کے مریضوں کی جِین میں پائی جانے والی خرابی کا مطالعہ کر کے ہی تھیلیسیمیا کے مریضوں کا بہتر علاج ممکن ہوسکتا ہے۔

ڈاکٹر ثاقب انصاری نے خبردار کیا کہ جب تک یہ دوا بین الاقوامی اداروں سے منظوری حاصل نہیں کرلیتی، اس دوا کا استعمال صرف اور صرف تحقیق کے لیے خون کے امراض کے ماہر ڈاکٹرز کی نگرانی میں ہونا چاہیے۔
Blood Doner Register here

Adopt a Patient

To facilitate patients of Thalassemia for treatment.
read more...

Doctor Online

Easiest way of getting Free Online medical advice from Doctors.
read more...

How Can Help?

Many things you can do to make change by helping!
read more...

Videos Gallery

Photo Gallery

If You Can Do Piercing, you can give Blood.Blood Donation Give Blood

Donate Now

People need your help right now.You can make it possible.
read more...

-❤- Donate Today You Never Know When you need it ! -❤- Please Update your Profile to get some Cards and Gifts -❤- Please share our faceBook link to Promote Blood Donation -❤-
101 Online